समानुपातिक सूचीबाट १६४ उम्मेदवारले लिए नाम फिर्ता

काठमाडौँ । विभिन्न राजनीतिक दलको समानुपातिक उम्मेदवार सूचीमा रहेका १६४ जनाले उम्मेदवारी फिर्ता लिएका छन् । निर्वाचन आयोगका सूचना अधिकारी सुमन घिमिरेका अनुसार १६४ जनाले नाम फिर्ता लिएका हुन् । फिर्ता लिएकाको ठाउँमा सम्बन्धित दललाई अर्को नाम पठाउन आयोगले भनेको छ

आयोग स्रोतका अनुसार लोकतान्त्रिक समाजवादी पार्टीका ७८ जनाले उम्मेदवारी फिर्ता लिएका छन् । जनता समाजवादी पार्टी नेपालका २१ जनाले पनि नाम फिर्ता लिएका छन् । यी दुई दलबीच एकता भइसकेकाले लोसपाका उम्मेदवार फिर्ता लिएर जसपाको सूचीमा समावेश गरिएको हो ।

जनमत पार्टीका २० जना उम्मेदवारले नाम फिर्ता लिएका छन् । राष्ट्रिय प्रजातन्त्र पार्टीका १२ जना र जनादेश पार्टी नेपालका ६ जनाले उम्मेदवारी फिर्ता लिएका छन् ।