कांग्रेस कास्की-३ बाट प्रत्यक्षतर्फ १२ सहित २२ जनाको नाम सिफारिस

पोखरा । नेपाली कांग्रेस कास्की क्षेत्र नं ३ ले उम्मेद्वार सिफारिस गरेको छ । आगामी फागुन २१ गते हुने प्रतिनिधिसभा निर्वाचनका लागि यहाँबाट प्रत्यक्षतर्फ १२ र समानुपातिकतर्फ १० जनाको नाम सिफारिस गरिएको हो । प्रत्यक्षतर्फका लागि सिफारिस हुनेमा कास्की क्षेत्र नं ३ का सभापति मनोज गुरुङ, गण्डकी प्रदेश सदस्य खिमलाल बस्तोला, सीता गुरुङ, जीवनप्रसाद बास्तोला, देवेन्द्र केसी, महोदत्त पोखरेल छन् ।

यसैगरी प्रत्यक्षतर्फ सिफारिस हुनेमा महासमिति सदस्य रामचन्द्र त्रिपाठी, दुर्गाप्रसाद तिमिल्सिना, डा। कृष्णप्रसाद पौडेल, नेविसंघका केन्द्रीय सदस्य ई। यामकृष्ण पौडेल, कांग्रेसका पूर्व क्षेत्रीय सभापति रामप्रसाद अधिकारी र पूर्व महाधिवेशन प्रतिनिधि धर्मराज अधिकारी छन् ।

यता, संविधानसभा सदस्य एवं कांग्रेस केन्द्रीय सदस्य शारदा पौडेल यसपटक समानुपातिकतर्फ सिफारिस भएकी छन् । यस्तै महासमिति सदस्य आइबहादुर गुरुङ, लोकतान्त्रिक खेलकुद महासंघका अध्यक्ष देवेन्द्रकुमार शेरचन, कास्की जिल्ला सदस्य विजयालक्ष्मी कोइराला, कमला बिन्दु बराल, गण्डकी प्रदेश सदस्य प्रभा सुवेदी, नेपाल लोकतान्त्रिक आदिवासी जनजाति महासंघका केन्द्रीय सदस्य भीमबहादुर गुरुङ, संविधानसभा सदस्य कृष्ण परियार, नेपाल दलित संघका केन्द्रीय सदस्य मनबहादुर विक र नेपाल दलित संघ कास्कीका सभापति दुर्गाबहादुर सुनार छन् ।