६ सरकारी कागजातका आधारमा मतदान गर्न पाइने

काठमाडौँ । निर्वाचन आयोगले सरकारी कागजातमध्ये कुनै एक भए मतदान गर्न पाइने जनाएको छ । आयोगले मतदाता परिचयपत्र नभए पनि ६ प्रकारका सरकारी कागजातमध्ये कुनै एक प्रस्तुत गरे मतदान गर्न सकिने स्पष्ट पारेको हो । आयोगका अनुसार मतदान गर्न मतदाता नामावलीमा नाम दर्ता भएको हुनु अनिवार्य छ ।

नाम दर्ता भएका मतदाताले मतदानका लागि जाँदा सामान्यतया मतदाता परिचयपत्र साथमा लिएर जानुपर्ने व्यवस्था रहेको छ । मतदाता परिचयपत्र नभएको वा नष्ट भएको अवस्थामा नेपाली नागरिकताको प्रमाणपत्र, राष्ट्रिय परिचयपत्र, राहदानी, सवारी चालक अनुमतिपत्र वा जग्गाधनी प्रमाणपूर्जामध्ये कुनै एक सक्कल कागजात लिएर मतदान केन्द्रमा उपस्थित भए मतदान गर्न पाइने आयोगले जनाएको छ ।

प्रतिनिधिसभा सदस्य निर्वाचनका लागि आयोगले सार्वजनिक गरेको अन्तिम मतदाता नामावलीमा नाम समावेश भएका तथा फागुन २० गतेसम्म १८ वर्ष उमेर पूरा गरेका मतदाताले तोकिएको मतदान केन्द्रमा गई मतदान गर्न सक्नेछन् ।

एक्सप्रेस

सम्बन्धित खबर

७ सचिवको सरुवा, को कहाँ ?

काठमाडौँ । सरकारले गृह सचिवसहित ७ सचिवको सरुवा गरेको छ । पुस ११ गतेको मन्त्रिपरिषद् बैठकले सचिवहरुको सरुवा गरेको हो । गृह सचिव रामेश्वर दंगाललाई लोक सेवा आयोगमा सरुवा गरिएको छ भने गृह सचिवमा प्रधानमन्त्री तथा मन्त्रिपरिषद् कार्यालयका सचिव राजकुमार...