बाघ गणनाको लागि राखिएका ६० क्यामेरा चोरी

काठमाडौँ । चितवन राष्ट्रिय निकुञ्ज र पर्सा राष्ट्रिय निकुञ्ज कम्प्लेक्समा बाघ गणनाका लागि जडान गरिएका ६० वटा क्यामेरा हराएका छन् । चितवन राष्ट्रिय निकुञ्जका सूचना अधिकारी अविनास थापा मगरका अनुसार समस्याग्रस्त ८५ क्यामेरामध्ये ६० वटा हराएका छन् भने २५ वटा बिग्रिएका छन्। उनले चितवन–पर्सा कम्प्लेक्समा कुल एक हजार ७८० क्यामेरा प्रयोग गरिएको जानकारी दिए ।

गत पुस ३ तेदेखि सुरु भएको बाघ गणना बिहीबार सम्पन्न भएको हो । थापा मगरका अनुसार दुई राष्ट्रिय निकुञ्जलाई एउटै कम्प्लेक्सका रूपमा राखी तीन ब्लकमा विभाजन गरेर गणना गरिएको थियो। म्प्लेक्सलाई ९५८ ग्रिडमा बाँडेर क्यामेरा जडान गरिएको थियो। तीमध्ये ८५ क्यामेरा समस्याग्रस्त देखिएको उनले बताए । प्रत्येक ब्लकमा १७ रातसम्म क्यामेरा राखेर तथ्याङ्क सङ्कलन गरिएको थियो। दुई वर्ग किलोमिटर क्षेत्रलाई एक ग्रिड मानेर गणना गरिएको जनाइएको छ।