काठमाडौँ । नेपालका कृषकहरूलाई समयमै रासायनिक मल उपलब्ध गराउने उद्देश्यका साथ भारतको कलकत्ता बन्दरगाहमा ३० हजार मेट्रिक टन युरिया मल बोकेको तेस्रो जहाज आइपुगेको छ । कृषि तथा पशुपन्छी विकास मन्त्रालयका अनुसार निरन्तरको वर्षाका कारण भारततर्फ मालवाहक रेल सञ्चालनमा केही बाधा पुगेको छ ।

यसअघि नै नेपाल आइपुग्नुपर्ने १,२५० मेट्रिक टन युरिया मल बोकेको रेल अब भोलिसम्ममा आइपुग्ने जानकारी प्राप्त भएको छ। त्यसैगरी, २५ सय मेट्रिक टन डीएपी मल बोकेको अर्को रेल पनि भोलिसम्ममा नेपाल आइपुग्ने अपेक्षा गरिएको छ ।