काठमाडौँ । तेस्रो संस्करणको एसिसी प्रिमियर कप एकदिवसीय क्रिकेट प्रतियोगिताको फाइनलमा आज साविक विजेता नेपाल र युनाइटेड अरब इमिरेट्स युएई भिड्दैछन् । मलेसियाको क्वालालम्पुरस्थित बायुमास ओभल मैदानमा हुने यो निर्णायक भिडन्त नेपाली समय अनुसार बिहान ७:१५ बजेदेखि सुरु हुनेछ ।

दुवै टोली दोस्रोपटक प्रिमियर कपको उपाधि चुम्ने दाउमा मैदान उत्रिनेछन्। यसअघि सन् २०२३ मा नेपालमा सम्पन्न पहिलो संस्करणमा नेपालले युएईलाई सात विकेटले पराजित गर्दै उपाधि जितेको थियो । यस्तै सन् २०२४ को दोस्रो संस्करणमा भने युएईले आयोजक ओमानलाई हराउँदै उपाधिमाथि कब्जा जमाएको थियो ।