काठमाडौँ । नेपाली कांग्रेसका पूर्वसभापति शेरबहादुर देउवा लामो समयपछि स्वदेश फर्किएलगत्तै पार्टीको संस्थापन इतर समूहको चुनदेवीस्थित सम्पर्क कार्यालय पुगेका छन् । बिहीबार थाई एयरको उडानमार्फत करिब साढे १२ बजे काठमाडौं अवतरण गरेका देउवालाई विमानस्थलबाट सुरक्षा घेराबीच चुनदेवी लगिएको थियो। उनको स्वागतमा विमानस्थलदेखि नै नेता, कार्यकर्ता तथा समर्थक उपस्थित थिए । 

चुनदेवीस्थित कार्यालयमा पुगेपछि कांग्रेसका नेता तथा कार्यकर्ताले देउवालाई स्वागत गरेका थिए। त्यस क्रममा देउवाले उपस्थित नेता–कार्यकर्तालाई संक्षिप्त सम्बोधनसमेत गरे ।