काठमाण्डौँ । माघे संक्रान्तिको बिहानै सुनसरीको भोक्राहानर्सिङमा भएको ट्रक दुर्घटनामा परी ५ जना मजदुरको मृत्यु भएको छ । दुर्घटनापछि आक्रोशित स्थानीयले सुनसरीको बर्जुमा टायर बालेर सडक अवरुद्ध गरेका छन् । आफ्नै वडाका ५ जनाको अकालमा मृत्यु भएपछि बर्जु गाउँपालिकाका स्थानीय बासिन्दा आन्दोलित भएका हुन् ।

उनीहरूले अहिले शुक्रबारे चोकमा टायर बालेर प्रदर्शन गरिरहेका छन् भने यातायात सेवा ठप्प पारेका छन् । मृतकका परिवारलाई क्षतिपूर्ति र दोषी चालकलाई कडा कारबाहीको माग गर्दै स्थानीयले प्रदर्शन जारी राखेका हुन् । ​