तातोपानी र रसुवागढी खुलेपछि कोरलानाकाको कारोबार घट्यो

मुस्ताङ । तातोपानी र रसुवागढी नाका सञ्चालनमा आएपछि मुस्ताङस्थित नेपाल–चीन उत्तरी कोरलानाकाबाट हुने आयात–निर्यात कारोबार न्यून हुँदै गएको छ। मुस्ताङ भन्सार कार्यालयका अनुसार हाल कोरलानाकाबाट आउने मालवाहक कन्टेनर निकै कम भएका छन् र जाँचपासका लागि ८–१० वटा मात्र पेन्डिङमा छन् ।

पहिले दैनिक १५–२० कन्टेनरको भन्सार जाँचपास हुने गरेकामा अहिले कारोबार लगभग घटिसकेको छ। हालसम्म कोरलानाकाबाट ११ अर्ब रुपैयाँभन्दा बढीको आयात, १९ करोडभन्दा बढीको निर्यात र साढे पाँच अर्बभन्दा बढी राजस्व सङ्कलन भएको छ। नाकाको चहलपहल घटेपछि भन्सार कार्यालय र स्थानीय क्षेत्रमा गतिविधि पनि सुस्त बनेको छ।