नेप्सेमा २७.१९ अंकको वृद्धि, ११ अर्ब ५८ करोड माथिको कारोबार

काठमाडौँ । साताको पाँचौ कारोबार दिन नेप्से परिसूचक २७.१९ अंकले बढेर २७०८.७० को विन्दुमा कायम भएको छ । आज दिनभरिमा ३२६ कम्पनीको ३ करोड ५५ लाख ७४ हजार ६२७ कित्ता सेयर किनबेच हुँदा ११ अर्ब ५८ करोड २८ लाखको सेयर कारोबार भएको छ । आज २०१ कम्पनीको सेयर मूल्य बढ्दा ५५ कम्पनीको सेयर मूल्य घटेको छ भने ४ कम्पनीको मूल्य स्थिर रहेको छ ।

आज युनियन हाइड्रोपावरको सर्वाधिक ५८ करोड ७७ लाख रुपैयाँ माथिको कारोबार भएको छ । दोस्रोमा राधी विद्युतको ५७ करोड ५० लाख रुपैयाँ र तेस्रोमा एसवाई प्यानलको ५३ करोड ७४ लाख रुपैयाँको सेयर कारोबार भएको छ ।

यसदिन ३ कम्पनीका लगानीकर्ताले सर्वाधिक कमाएका छन् । आज कालिञ्चोक दर्शन, सुपरमाई हाइड्रोपावर र मोदी इनर्जीका लगानीकर्ताले १० प्रतिशतका दरले कमाएका हुन् । यस्तै, रिदी पावरका लगानीकर्ताले ९.९७ प्रतिशत र खानीखोला हाइड्रोपावरका लगानीकर्ताले ९.९६ प्रतिशतका दरले कमाएका छन् ।