आज र भोलि सतर्क रहन अपिल, जोखिमयुक्त ठाउँमा नजान र सुरक्षित रहन चेतावनी

काठमाडौँ । बंगालको खाडीमा विकसित भएको न्यून चापीय प्रणालीका कारण आज र भोलि देशका विभिन्न स्थानमा भारी वर्षा हुने सम्भावना बढेको छ । मौसम पूर्वानुमान महाशाखाका अनुसार नेपालतर्फ जलवाष्पयुक्त हावाको प्रवाह तीव्र रूपमा बढ्दै गएकाले मनसुनी गतिविधि थप सक्रिय हुन लागेको हो ।

महाशाखाले वर्षाको जोखिम रहेका क्षेत्रहरूमा सर्वसाधारणलाई आवतजावत नगर्न र जानैपर्ने अवस्था आएमा विशेष सावधानी अपनाएर मात्र यात्रा गर्न आग्रह गरेको छ । लगातारको वर्षाका कारण हुन सक्ने सम्भावित जोखिमलाई मध्यनजर गर्दै मौसम विभागले जोखिमयुक्त ठाउँहरूको पहिले नै पहिचान गरी सुरक्षित रहन सबैमा विशेष अपिल समेत गरेको छ ।