बागमती साहित्य महोत्सव संस्करण दुइ चितवनमा हुने

मिडियाबाजी डटकम,काठमाडौँ । साहित्य, कला र संस्कृतिको प्रवर्द्धन तथा बागमती सभ्यताको संरक्षण गर्ने उद्देश्यका साथ “बागमती साहित्य महोत्सव २०८३” चितवनमा आयोजना हुने भएको छ । महोत्सव आगामी जेठ १६ र १७ गते नारायणगढ उद्योग वाणिज्य संघको हलमा सञ्चालन हुने आयोजकले जनाएको छ। कार्यक्रममा साहित्य, कला, संस्कृति तथा सामाजिक सद्भावसँग सम्बन्धित विविध गतिविधि, अन्तरक्रिया र प्रस्तुति रहनेछन् ।

“साहित्य शब्दको शक्ति र विचारको सिर्जना हो”, “कला रंग, रचना र अभिव्यक्ति हो” तथा “संस्कृति हाम्रो पहिचान र गहना हो” भन्ने मूल भावसहित आयोजना हुन लागेको महोत्सवले समाजमा सहअस्तित्व, संवाद र सांस्कृतिक चेतनाको सन्देश फैलाउने विश्वास लिइएको छ ।

चितवनको प्राकृतिक, सांस्कृतिक र ऐतिहासिक पहिचानलाई समेत समेटेर आयोजना गर्न लागिएको यस महोत्सवमा साहित्यकार, कलाकार, संस्कृतिकर्मी तथा विभिन्न क्षेत्रका व्यक्तित्वहरूको सहभागिता रहने अपेक्षा गरिएको छ । आयोजकका अनुसार महोत्सवले बागमती प्रदेशको कला, साहित्य र संस्कृतिको जगेर्ना गर्दै नयाँ पुस्तामा सिर्जनात्मक चेतना अभिवृद्धि गर्न महत्वपूर्ण भूमिका खेल्नेछ ।

एक्सप्रेस

सम्बन्धित खबर

पद्मश्री पुरस्कार प्रदान : आचार्यलाई गौरव, धरावासीलाई साधना सम्मान, ‘सलह’लाई साहित्य पुरस्कार

काठमाडौँ । खेमलाल–हरिकला लामिछाने प्रतिष्ठानले यस वर्षको पद्मश्री गौरव पुरस्कार प्रा. डा. जयराज आचार्यलाई प्रदान गर्ने निर्णय गरेको छ। त्यसैगरी पद्मश्री साधना सम्मान साहित्यकार कृष्ण धरावासीलाई र पद्मश्री साहित्य पुरस्कार कवि तथा गीतकार श्रवण मुका...