गगन थापाका निकट मानिने वीरबहादुर बने देउवा समूहको जिल्ला सभापति

काठ्माण्डौँ । ‘देशैभरि मसँग त त म म चल्ने पाँच जना मात्रै छन्, जसमध्ये वीरबहादुर विष्ट पनि एक हुन् । वीरबहादुर भनेको गगन हो, ढुक्क हुनुस्, तपाईंले वीरबहादुरलाई भोट हाल्नु भनेको गगनलाई भोट हाल्नु हो ।’ २०७४ सालको निर्वाचनका क्रममा नेपाली कांग्रेसका नेता गगन थापाले बैतडीका विभिन्न ठाउँमा पुगेर वीरबहादुर विष्टको पक्षमा गरेको भाषणको आशय थियो यो। थापाले विष्टसँग आफ्नो निकट सम्बन्ध रहेको बताउँदै मतदातालाई उनीप्रति विश्वास गर्न आग्रह गरेका थिए ।

थापाको त्यही अभिव्यक्तिको चर्चा भइरहेका बेला विष्ट स्थानीय तह निर्वाचनमा गाउँपालिका अध्यक्षमा निर्वाचित भए । त्यसपछि पनि कांग्रेसको राजनीतिमा सक्रिय रहेका विष्टले गत प्रदेशसभा निर्वाचनमा टिकट पाए । त्यतिबेला उनी गगन थापा पक्षबाट टिकट पाएको नेताका रूपमा चर्चामा थिए ।