काठमाडौं । कर्णाली राजमार्गमा पर्ने कालीकोटको खाँडाचक्र नगरपालिका–२ सेरीघाटमा बस दुर्घटना हुँदा एक जनाले ज्यान गुमाएका छन् भने दुई जना घाइते भएका छन् । जुम्लाबाट सुर्खेततर्फ जाँदै गरेको कर्णाली प्रदेश ०२००१ ख १११५ नम्बरको बस सेरीघाट पुल नजिकैको मोडमा अनियन्त्रित भएर दुर्टनामा भएको हो। दुर्घटनामा परी ३ जना घाइते भएकोमा तीनै जनालाई उद्धार गरी जिल्ला अस्पताल कालीकोटमा उपचारका लागि पठाइएकोमा एक जनाको उपचारको क्रममा ज्यान गएको हो ।

ज्यान गुमाउनेमा जुम्लाको हिमा गाउँपालिका–४ बस्ने १९ वर्षीय अर्जुन बुढा रहेका छन्। घाइते हुनेमा जुम्लाको सिंजा गाउँपालिका–५ कि २३ वर्षीया रन्जिता रोकाया र उनकै पाँच वर्षीय छोरा उपेन्द्र रोकाया रहेका छन्। बसमा कुल २४ जना यात्रु सवार रहेकोमा अन्य सबै यात्रुहरू भने सकुशल रहेको प्रहरीले जानकारी दिएको छ।