काठमाण्डौँ । जल तथा मौसम विज्ञान विभागअन्तर्गतको मौसम पूर्वानुमान महाशाखाका अनुसार हाल बागमती र गण्डकी प्रदेशका केही स्थान तथा कोसी, लुम्बिनी, कर्णाली र सुदूरपश्चिम प्रदेशका थोरै स्थानमा मध्यमसम्म वर्षा भइरहेको छ। ती आसपासका क्षेत्रमा थप वर्षा हुनसक्ने भएकाले सतर्कता अपनाउन आवश्यक रहेको मौसम महाशाखाले जनाएको छ ।

महाशाखाले राति  जारी गरेको विवरणअनुसार बितेको ३ घण्टामा सबैभन्दा बढी वर्षा सिन्धुपाल्चोकको दुवाचौरमा १७.४ मिलिमिटर भएको छ । मौसम महाशाखा अनुसार आज राति देशभर साधारणतया बादल लाग्नेछ। हिमाली भूभागका केही स्थानमा मेघगर्जनरचट्याङसहित मध्यमसम्म वर्षा हिमपातको सम्भावना छ ।