काठमाडौँ । नेपाली कांग्रेसका उपसभापति विश्वप्रकाश शर्माले आगामी प्रतिनिधि सभा निर्वाचनमा पार्टीले बहुमत ल्याउने दाबी गरेका छन् । आइतबार पार्टीका नयाँ सदस्यहरूलाई स्वागत गर्दै उनले भने, देशभर कांग्रेसका पक्षमा माहौल बढ्दै गएको छ, आगामी एक हप्ताभित्रै कांग्रेस बहुमत ल्याउने तहमा पुग्नेछ।

उपसभापति शर्माले कांग्रेसलाई अहिले सबैभन्दा ठूलो दल बन्ने निश्चित रहेको बताए । उनले भने, यही गतिमा जनमत बढ्दै जाँदा आगामी एक हप्ताभित्र कांग्रेस बहुमत ल्याउने स्थिति प्राप्त गर्नेछ।