नेपाली कांग्रेसको १५औँ महाधिवेशनमा युवा पुस्ताको दाबी, केन्द्रीय महाधिवेशन प्रतिनिधिका लागि प्रकाश रिजालको उम्मेदवारी

काठमाडौँ । नेपाली कांग्रेसको १५औँ महाधिवेशनलाई लक्षित गर्दै युवा पुस्ताबाट उम्मेदवारी घोषणा गर्ने क्रम बढेको छ । यसै क्रममा प्रकाश रिजालले केन्द्रीय महाधिवेशन प्रतिनिधि पदमा युवा तर्फबाट आफ्नो उम्मेदवारी प्रस्तुत गरेका छन् ।

रिजालले पार्टीको संगठनलाई थप सुदृढ, प्रभावकारी र समयानुकूल बनाउँदै युवा पुस्ताको सहभागिता बढाउन आफूले उम्मेदवारी दिएको बताएका छन् । उनले नेपाली कांग्रेसको लोकतान्त्रिक मूल्य, संगठनात्मक एकता तथा पार्टीप्रतिको निरन्तर योगदानलाई आफ्नो उम्मेदवारीको आधारका रूपमा प्रस्तुत गरेका छन् ।

उम्मेदवारी सार्वजनिक गर्दै रिजालले पार्टीका अग्रजहरूको मार्गदर्शन, सहकर्मीहरूको साथ तथा शुभेच्छुकहरूको विश्वासलाई सम्मान गर्दै संगठनलाई अझ सुदृढ र प्रभावकारी बनाउन आफ्नो भूमिका निर्वाह गर्ने प्रतिबद्धता व्यक्त गरेका छन् । नेपाली कांग्रेसले १५औँ महाधिवेशनका लागि विभिन्न तहका अधिवेशन तथा प्रतिनिधि चयनको प्रक्रिया अघि बढाइरहेको छ। पार्टीको निर्णयअनुसार केन्द्रीय महाधिवेशन २०८३ असोज १६, १७, १८ र १९ गते काठमाडौंमा गर्ने कार्यतालिका तय गरिएको छ ।

रिजालको उम्मेदवारीले महाधिवेशन प्रक्रियामा युवा पुस्ताको प्रतिनिधित्व र सहभागिताको विषयलाई थप चर्चामा ल्याएको छ । पार्टीको संगठन सुदृढीकरण, लोकतान्त्रिक अभ्यास र पुस्तान्तरणका विषयलाई आफ्नो प्राथमिकतामा राख्दै उनले प्रतिनिधिहरूसँग समर्थनको आग्रह गरेका छन् ।