विराटनगर । कोशी प्रदेश सरकारमा सहभागी नेपाली कांग्रेसका मन्त्रीहरूले सामूहिक राजीनामा दिने अन्तिम तयारी गरेका छन् । केन्द्रीय स्तरमा नेपाल कम्युनिष्ट पार्टी एमाले र नेपाली कांग्रेसबिच सत्ता गठबन्धनका सम्बन्धमा नयाँ समझदारी बनेपछि कांग्रेसबाट मन्त्रिमण्डलमा सहभागी सदस्यहरू सरकारबाट बाहिरिन लागेका हुन् ।

राजीनामाको औपचारिक निर्णय र मिति तय गर्न शुक्रबार मन्त्रीहरूको बैठक बस्ने तयारी भइरहेको छ । त्यसअघि मन्त्रीहरूले मुख्यमन्त्री हिक्मतकुमार कार्कीलाई भेटेर यसबारे औपचारिक जानकारी गराउने कार्यक्रम रहेको छ ।