काठमाडौँ । नेपाली कांग्रेसका सभापति गगनकुमार थापाले अबको पाँच वर्षभित्र मुलुकलाई भ्रष्टाचारमुक्त बनाउने आफ्नो पार्टीको लक्ष्य व्यक्त गरेका छन् । काठमाडौँको राष्ट्रिय सभागृहमा आज आयोजित ‘हाम्रो प्रतिज्ञा तपाईँको प्रश्न’ कार्यक्रममा सभापति थापाले भने, कांग्रेसले भ्रष्टाचारमा मुछिएका व्यक्तिको नाता वा पद हेर्दैन । जोसुकै, सभापति होस् वा कुनै पदमा रहेका व्यक्ति, यदि भ्रष्टाचार गरेको रहेछ भने उसलाई सार्वजनिक पदमा बस्ने अधिकार छैन ।

उनले २०४७ साल यताका जुनसुकै पार्टीका नेताहरूमाथि भ्रष्टाचारको छानबिन गर्ने कुरा पनि सार्वजनिक गरे । साथै, थापाले सरकारी सेवा प्रणालीलाई कार्यालय केन्द्रित नभई नागरिक केन्द्रित बनाउनु पर्नेमा जोड दिए ।