काठमाडौँ । नेपालको सबैभन्दा ठूलो चाड बडादसैं नजिकिँदै गर्दा उत्तरतर्फका तीनवटै प्रमुख व्यापारिक नाकाहरू तातोपानी, रसुवागढी र कोरला प्राकृतिक विपद्का कारण ठप्प हुन पुगेका छन् । चाडबाडको समयमा बजारमा वस्तुको माग र आपूर्ति उच्च हुने बेलामै स्थलमार्गबाट हुने अन्तर्राष्ट्रिय व्यापार रोकिँदा यसले मुलुकको आपूर्ति व्यवस्था र अर्थतन्त्रमा गम्भीर धक्का दिएको छ ।

यसै संकटलाई मध्यनजर गर्दै पूर्वाधार विकास मन्त्री सुनिल लम्सालले चिनियाँ राजदूतसँग भेट गरी नाका सुचारु गर्न कूटनीतिक पहल थालिसकेका छन् ।