सोलुखुम्बु । सोलुखुम्बुमा सहुलियत दरमा वितरण हुँदै आएको आयोडिनयुक्त नुनको खपत बढेको छ। साल्ट ट्रेडिङ कर्पोरेसन लिमिटेडले प्रतिप्याकेट ९ रुपैयाँमा उपलब्ध गराउँदै आएको नुन गत आर्थिक वर्षमा ७२ लाख रुपैयाँभन्दा बढीको बिक्री भएको छ।

सल्लेरी डिपो र सोताङस्थित लालीगुराँस महिला सहकारी संस्थामार्फत जिल्लावासीलाई सहुलियत दरमा नुन वितरण हुँदै आएको छ। पछिल्ला वर्षमा नुनको माग बढ्दै गएको साल्ट ट्रेडिङ कर्पोरेसन लिमिटेड डिपो कार्यालय सोलुखुम्बुका प्रमुख श्यामप्रसाद शाहले बताएका छन्।