बिहीबारदेखि माइतीघरमा धर्ना : देशभरका जेनजी एकताबद्ध हुन आह्वान

काठमाडौँ । जेनजी समूहहरूबीच एकता कायम गर्न र शहीदहरूको बलिदान नबिर्सन आग्रह गर्दै शुक्रबार माइतीघर मण्डलमा ‘जेनजी युनाइटेड’ नामक समूहले प्रदर्शन गरेको छ । प्रदर्शनमा युवा, बालबालिका र शहीद परिवारका सदस्यहरूको उल्लेखनीय उपस्थिति थियो । उनीहरूले हातमा ‘रगतको बलिदान बिर्सनु अपराध हो’ र ‘जेनजी एक हौँ’ भन्ने नारा लेखिएका प्लेकार्ड बोकेका थिए।

जेनजी युनाइटेडका प्रदर्शनकारीहरूले सबै जिल्लामा जेनजी सम्मेलन सञ्चालन गर्न माग गरेका छन् । उनीहरूका अनुसार देशभर जिल्लागत सम्मेलन सम्पन्न गरी काठमाडौँमा केन्द्रीय जेनजी सम्मेलन आयोजना गर्न आवश्यक वातावरण सरकारले तयार गर्नुपर्छ । यसअघि बिहीबार पनि जेनजी युनाइटेडले शहीदहरूको सम्झनामा श्रद्धाञ्जलिसहित भाइटीका कार्यक्रम सम्पन्न गरेको थियो । काठमाडौँको माइतीघर मण्डलामा भेला भएका जेनजी युनाइटेडका सदस्यहरूले शान्तिपूर्ण प्रदर्शनसमेत गरेका थिए।