पूर्व सांसद र मन्त्रीहरू यसपटक नेकपाको समानुपातिक सूचीमा नपर्ने

काठमाडौँ । नेपाली कम्युनिष्ट पार्टी नेकपाले यसअघि प्रतिनिधि सभामा प्रत्यक्ष वा समानुपातिकबाट सांसद बनेका, मन्त्री भइसकेका वा राष्ट्रिय सभा सदस्य रहेका नेताहरूलाई यसपटकको समानुपातिक सूचीमा नराख्ने निर्णय गरेको छ । पार्टीका मुख्यसचिव गणेशमान पुनका अनुसार शीर्ष नेतृत्वबीच भएको यो सहमतिले राजनीतिमा नयाँ र युवा पुस्तालाई अवसर दिने लक्ष्य राखेको छ ।

विशेष गरी भदौको ुजेन(जीु आन्दोलनपछि बदलिएको राजनीतिक परिवेशलाई सम्बोधन गर्न नेकपाले उम्मेदवार छनोटमा नवीनता ल्याउन खोजेको देखिन्छ । यस निर्णयले पटक–पटक पदमा दोहोरिने प्रवृत्तिलाई निरुत्साहित गर्दै समावेशी र नयाँ नेतृत्वलाई संसद्मा पुर्‍याउने अपेक्षा गरिएको छ ।

आज बन्दसूची बुझाउने अन्तिम दिन निर्वाचन आयोगको कार्यतालिका अनुसार आज पुस १४ गते अपराह्नसम्म दलहरूले समानुपातिकतर्फको बन्दसूची बुझाउनुपर्नेछ। प्रतिनिधिसभाको कुल २७५ सिटमध्ये ११० सिट समानुपातिक निर्वाचन प्रणालीबाट छनोट हुने व्यवस्था छ । आयोगले आइतबार र सोमबार दुई दिनको समय दिएकोमा आज अन्तिम दिन भएकाले निर्वाचन आयोगमा दलहरूको बाक्लो उपस्थिति रहेको छ ।

एक्सप्रेस

सम्बन्धित खबर

क्रान्ति र शान्तिको सुरुआतस्थल रुकुमपूर्वमा जनयुद्ध दिवस मनाउँदै नेकपा

रुकुमपूर्व । नेपाली कम्युनिष्ट पार्टी नेकपाले रुकुमपूर्वमा ३०औं जनयुद्ध दिवस मनाउँदै छ । जनयुद्धको सुरुआत भएको रुकुमपूर्वमा सहिद तथा बेपत्ता परिवार, घाइते, अपांग र रुकुमेलीसँग जनयुद्ध दिवस मनाउन पार्टीका संयो...