काठमाडौँ । प्रतिनिधि सभाको प्रत्यक्षतर्फको निर्वाचनको लागि नेपाली कांग्रेसका महामन्त्री गगनकुमार थापा पाँच जिल्लाबाट सिफारिस भएका छन् । प्रतिनिधि सभाको प्रत्यक्षतर्फ उनी तेह्रथुम, काठमाडौँ, सर्लाही, धनकुटा र रोल्पाबाट सिफारिस भएका हुन् । उनलाई तेह्रथुम र काठमाडौँबाट एकल उम्मेदवारीको सिफारिस गरिएको छ भने अन्य जिल्ला अरु नेताको नाम पनि जोडिएको छ । तेह्रथुममा एकमात्र क्षेत्र रहेको छ । 

तेह्रथुममा उनलाई एकल सिफारिस गरिएको छ । प्रत्यक्षतर्फ उनकोमात्र नाम समावेश गरिएको हो । समानुपातिकतर्फ भने कृष्णमान तुम्बाहाङ्फे, डिल्लीराम नेपाल, विजय साम्बाहाङफे, रुद्र कन्दङवा, बसन्ती सुब्बा गुरुङ, शारदा कोइराला र शनिषा भेटवालको नाम सिफारिस गरिएको छ ।