काठमाडौँ । ट्रम्पको इरानका लागि निर्धारित समयसीमा नजिकिँदै जाँदा, इरानले पावर प्लान्ट वरिपरि मानव शृङ्खला बनाउन आह्वान गरेको छ । इरानले युवाहरूलाई सुरक्षाका लागि सक्रिय सहभागिता सुनिश्चित गर्न आग्रह गरेको छ । यो कदम अमेरिकी राष्ट्रपति डोनाल्ड ट्रम्पले इरानको सबै पावर प्लान्ट र प्रमुख पुलहरू बम पार्ने धम्की दिएका केही घण्टाअघि आएको हो ।

मङ्गलबारको आक्रमणमा कम्तीमा १५ जनाको मृत्यु भएको छ । इरानले इजरायल र साउदी अरबमा मिसाइल प्रहार गरेको छ र प्रमुख पुलहरू अस्थायी रूपमा बन्द भएका छन् । इरानी राज्य टेलिभिजनका अनुसार अलिरेजा रहिमीले युवा र किशोरहरूलाई राष्ट्रिय सम्पत्ति जोगाउन मानव शृङ्खला बनाइराख्न आह्वान गरेका छन् ।