डीएनए संरचना पत्ता लगाउने वैज्ञानिक जेम्सको निधन

काठमाडौँ । डीएनए संरचना पत्ता लगाउने वैज्ञानिकमध्ये एक जेम्स वाटसनको निधन भएको छ। उनी ९७ वर्षका थिए । कोल्ड स्प्रिङ हार्बर प्रयोगशालाले वाटसनको मृत्यु भएको पुष्टि गरेको बीबीसीले जनाएको छ । वाटसनले त्यहाँ धेरै दशकदेखि काम र अनुसन्धान गरेका थिए ।

अमेरिकी वैज्ञानिक वाटसनलाई नोबेल पुरस्कार प्रदान गरिएको थियो । डीएनए संरचनाको खोजलाई २०औँ शताब्दीको सबैभन्दा ठूलो वैज्ञानिक उपलब्धिमध्ये एक मानिन्छ । उनले बेलायती वैज्ञानिक फ्रान्सिस क्रिकसँग मिलेर १९५३ मा डीएनएको डबल९हेलिक्स संरचना पहिचान गरेका थिए। यसले आणविक जीव९विज्ञानमा द्रुत प्रगतिका लागि मार्ग प्रशस्त गर्‍यो ।

वाटसनले जातीय र लिङ्ग भेदभावयुक्त टिप्पणी पनि गरेका थिए। जसले उनको प्रतिष्ठालाई गम्भीर रूपमा क्षति पुर्‍यायो । एक टीभी कार्यक्रममा उनले कालो र गोरा मानिसबीच औसत आईक्यूमा भिन्नताका लागि जिन जिम्मेवार रहेको दाबी गरेका थिए ।