काठमाडौँ । नेपाली कम्युनिष्ट पार्टीका नेता एवं पूर्व प्रधानमन्त्री झलनाथ खनालले आफ्नी श्रीमती रविलक्ष्मी चित्रकारको उपचार विभिन्न व्यक्तिहरूले गरेको सहयोगबाट गरिरहेका छन् । भदौ २४ गतेको जेनजी आन्दोलनका क्रममा घरमा आगजनी हुँदा जलनमा परेकी रविलक्ष्मीको उपचारका लागि नेता खनालले साथीभाइबाट सहयोग मागेको खुलासा गरेका हुन् ।

‘जनता जान्न चाहन्छन्’ कार्यक्रममा पूर्व प्रधानमन्त्री खनालले सो कुरा बताएका हुन् । रविलक्ष्मीको उपचारका लागि नेकपा ९एमाले० का अध्यक्ष केपी शर्मा ओलीले ३० लाख बराबरको सहयोग गरेको खनालले बताए । यस्तै, माधव नेपालले ५ लाख र पुष्पकमल दाहाल ‘प्रचण्ड’ ले ३ लाख रुपैयाँ सहयोग गरेको पनि उनले जानकारी दिए ।