काठमाडौँ  । नेपाली कांग्रेसका निवर्तमान सभापति शेरबहादुर देउवा पक्षको काठमाडौं जिल्ला अधिवेशन यही मङ्सिर २१ गते हुने भएको छ। समानान्तर गतिविधि गर्दै आएको सो समूहले काठमाडौं जिल्ला अधिवेशन मङ्सिर २१ गते गर्ने गरी तयारी अगाडि बढाएको हो।

नेपाली कांग्रेसका नेता दिनेशविक्रम शाहका अनुसार अधिवेशन मङ्सिर २१ गते शनिबार प्रदर्शनी मार्गस्थित राष्ट्रिय सभागृहमा आयोजना गरिनेछ। उक्त अधिवेशनको उद्घाटन निवर्तमान सभापति देउवाले गर्ने कार्यक्रम तय भएको छ।