प्रचण्डसँग छलफल गर्न लागेका खनालको खुलासा : ओलीसँग कुरा मिलेन

काठमाडौँ । नेकपा एकीकृत समाजवादीका सम्मानित नेता झलनाथ खनालले नेकपा एमालेका अध्यक्ष केपी ओलीसँग कुरा नमिलेको खुलासा गरेका छन् । मंगलबार साँझ ओलीलाई भेट्न भक्तपुरको गुण्डु पुगेका खनालले ओलीसँग ‘छिनाफानो’ भएको बताएका हुन् । ‘सबै वामपन्थी एकतावद्ध हुन पाए हुन्थ्यो भन्ने कुरा चाहीँ गरेँ। मैले त्यो भन्दा उहाँले यहाँ को छ र वाम रु भन्ने प्रश्न गर्नुभयो। कोसँग वाम एकता गर्ने रु म कोही वाम नै देख्दिन भन्नुभयो। उहाँले कसैलाई वाम नै नदेखेपछि त वाम एकताको कुरा गर्नुको कुनै अर्थ भएन नि’ उनले भने, ‘व्यक्तिगतरुपमा आए मात्रै स्वकार गर्ने भनेर। नीति कार्यक्रम स्वीकार गरेर आए लिने, नत्र नलिने भनेपछि उहाँसँग छिनाफाना नै भयो नि।’

खनालले आफू एमालेसँग एकता गर्न भन्दा पनि ओलीलाई धन्यवाद दिन गुण्डु पुगेको स्पष्ट पारे । भदौ २४ गतेको जेनजी आन्दोलनमा खनाल निवासमा भएको आगजनी र श्रीमती रविलक्ष्मीमाथि भएको आक्रमणप्रति ओलीले प्रकट गरेको सहानुभूतिप्रति आफूले धन्यवाद दिएको खनालले बताए ।

ओलीसँग कुरा टुंगिएपछि खनाल आज माओवादी केन्द्रका अध्यक्ष प्रचण्डलाई भेट्दैछन् । उनले भने, ‘मेरो मान्यता अलि वृहत वाम युनिटिमा जाऔँ भन्ने हो। अहिले सारा देशभरका वामपन्थीहरूलाई एकताबद्ध गर्न जरुरी छ। यतिबेला एउटा९एउटा, फ्याक्सन९फ्याक्सन मात्रैको युनिटीले वामपन्थी शक्तिहरूलाई एक ठाउँमा ल्याउन सकिँदैन। वृहत रुपमा जाऔँ भन्ने मेरो मान्यता हो।’

आजै खनालकै पार्टीको बहुमत पक्ष अध्यक्ष माधवकुमार नेपालको नेतृत्वमा माओवादी केन्द्रसहित ९ वटा वापन्थी दलबीच एकता घोषणा हुँदैछ । तर, यी दुवै दलमा विभाजन समेत भएको छ ।

एक्सप्रेस

सम्बन्धित खबर

मैले गरेको काम नेपालका लागि सफल मोडेल : कुलमान घिसिङ

काठमाडौँ । उज्यालो नेपाल पार्टीका अध्यक्ष कुलमान घिसिङले ऊर्जा क्षेत्रमा आफूले गरेको काम नेपालका लागि सफल मोडेल बनेको दाबी गरेका छन् ।

मंगलबार काठमाडौँमा आयोजित उज्यालो नेपाल काठमाडौँ रामेछाप मञ्च गठन कार्यक्रममा अध्यक्ष घिसिङले मुलुकलाई आर्...

नयाँ पार्टीमा ‘बा’ भन्ने प्रवृत्तिको अन्त्य हुनुपर्छ : माधव नेपाल

काठमाडौँ । नेपाली कम्युनिस्ट पार्टीका सहसंयोजक माधव नेपालले नयाँ पार्टीमा ‘बा’ भन्ने प्रवृत्ति हाबी हुन दिन नहुने बताएका छन् । मंगलबार काठमाडौंमा आयोजित अखिल नेपाल ट्रेड युनियन महासंघमा विभिन्न संगठनबाट प्र...

महाधिवेशन प्रतिनिधि छनौटको विषयमा एमाले नेताबीच कुटाकुट

सुनसरी । नेकपा एमाले सुनसरी क्षेत्र नम्बर–१ मा महाधिवेशन प्रतिनिधि छनौटको विषयलाई लिएर नेताहरूबीच कुटाकुट भएको छ । पूर्वमुख्यमन्त्री भीम आचार्यका निजी सचिव तथा एमाले सुनसरीका जिल्ला कमिटी सदस्य अनिल राजधाम...