काठमाडौं । विज्ञान, प्रविधि तथा नवप्रवर्तनमन्त्री महावीर पुनले फरेन्सिक विज्ञानजस्तो संवेदनशील क्षेत्रमा कार्यरत विशेषज्ञहरूको न्यूनतम शैक्षिक योग्यता सम्बन्धित विषयमा स्नातकोत्तर (मास्टर्स डिग्री) हुनुपर्ने बताएका छन्।

प्रतिनिधिसभाको शिक्षा, स्वास्थ्य तथा सूचना प्रविधि समितिको बैठकमा उनले फरेन्सिक जनशक्तिलाई विशिष्टीकृत र मान्यता प्राप्त संस्थाबाट तालिम दिनुपर्ने तथा बदलिँदो अपराध अनुसन्धानलाई प्रभावकारी बनाउन डिजिटल प्रमाणलाई पनि कानुनी रूपमा स्पष्ट मान्यता दिनुपर्ने आवश्यकता औंल्याए।