मिडिया ट्रायलको पछि लाग्दिनँ, कारबाही जारी रहन्छ : गृहमन्त्री गुरुङ

काठमाडौँ । विवादास्पद व्यवसायीसँगको साँठगाँठ र सम्पत्ति विवरणमा लगानी लुकाएको आरोप खेपिरहेका गृहमन्त्री सुधन गुरुङले आफूमाथि ‘मिडिया ट्रायल’ गरिएको भन्दै कडा आपत्ति जनाएका छन् । पछिल्लो समय आफूमाथि लगाइएका विभिन्न आरोपहरू र सार्वजनिक भएका समाचारहरूलाई लिएर पहिलोपटक मुख खोल्दै गृहमन्त्री गुरुङले यस्तो प्रतिक्रिया दिएका हुन् । आफूमाथि भइरहेका आलोचनाहरूलाई उनले नियोजित प्रहारको संज्ञा दिएका छन् ।

गृहमन्त्री गुरुङले आफूले विभिन्न सेयर बजारमा गरेको लगानी वैध स्रोतबाटै भएको र यसको सम्पूर्ण हिसाब किताब बैंक प्रणालीमा सुरक्षित रहेको दाबी गरेका छन् ।