संसद भवन चैत १ भित्र हस्तान्तरण गर्न मन्त्रीको निर्देशन

काठमाडौँ । भूमि व्यवस्था, सहकारी तथा गरिबी निवारणमन्त्री प्रा। डा। कुमार इङनामले निर्माणाधीन संघीय संसद भवनको काम आउँदो चैत १ गतेभित्र सकाएर हस्तान्तरण गर्न निर्देशन दिएका छन् । शुक्रबार भवनको स्थलगत अनुगमन गर्दै उनले निर्धारित समयमै काम सम्पन्न गर्न निर्माण पक्षलाई निर्देशन दिएका हुन्।

अनुगमनको क्रममा मन्त्रीले कामको गतिप्रति असन्तुष्टि व्यक्त गर्दै प्रतिनिधिसभा, राष्ट्रियसभा, सेन्ट्रल लबी र सचिवालयका भवनहरू समयमै हस्तान्तरण गर्न जोड दिएका छन् । भवनको सिभिल काम मोटामोटी सकिएको छ । तर फिनिसिङको काममा ढिलाइ देखिएपछि उनले दक्ष जनशक्ति थप्न निर्देशन दिए ।