काठमाडौँ । सडक विभागले नागढुंगा सिस्नेखोला सुरुङमार्ग साउन महिनाभित्रै सर्वसाधारणका लागि खुला गर्ने भएको छ । हाल उक्त सुरुङमार्ग आकस्मिक तथा आपत्कालीन सवारीसाधनका लागि मात्र प्रयोगमा ल्याइएको छ ।

सडक विभागका प्रवक्ता तथा उपमहानिर्देशक ई शुभराज न्यौपानेका अनुसार सर्वसाधारण तथा सार्वजनिक यातायातका लागि खुला गर्नुअघि सुरुङमार्गमा अन्तिम सुरक्षा परीक्षण भइरहेको छ । सुरुङभित्र कुनै आपत्कालीन अवस्था सिर्जना भएमा यात्रुको उद्धार कसरी गर्ने भन्ने विषयमा सुरक्षा अभ्यास गरिनेछ ।