काठमाडौँ । नेपालको सर्वाधिक विश्वसनीय जीवन बीमा कम्पनी नेपाल लाइफ इन्स्योरेन्सले दुईदिने ‘बिजनेस एक्सिलेन्स कन्फरेन्स’ सफलतापूर्वक सम्पन्न गरेको छ । काठमाडौंस्थित होटल याक एन्ड यतीमा भदौ १ र २ गते आयोजित उक्त सम्मेलनमा देशभरबाट सेल्स तथा मार्केटिङ विभागका २८० भन्दा बढी कर्मचारीहरूको सहभागिता रहेको थियो। सम्मेलनको उद्घाटन कम्पनीका वरिष्ठ सञ्चालकहरू कमलेश कुमार अग्रवाल, विमल प्रसाद ढकाल, प्रबिन प्रकाश क्षेत्री तथा प्रमुख कार्यकारी अधिकृत सीईओ प्रवीण रमण पराजुलीले संयुक्त रूपमा गरेका थिए ।

कार्यक्रमलाई सम्बोधन गर्दै वरिष्ठ सञ्चालक कमलेश कुमार अग्रवालले २५ वर्षको गौरवपूर्ण यात्रामा कम्पनीले जीवन बीमा क्षेत्रमा विश्वास र नेतृत्वको इतिहास बनाएको चर्चा गरे। साथै, कम्पनीले आर्थिक वर्ष २०८२,८३ मा १३ अर्ब रुपैयाँभन्दा बढी संकलन गरेर ऐतिहासिक कीर्तिमान कायम गरेको जानकारी गराउँदै उनले यो उचाइलाई निरन्तरता दिन सबैको संयुक्त प्रयास र समर्पण आवश्यक रहेको बताए।

त्यसैगरी, प्रमुख कार्यकारी अधिकृत प्रवीण रमण पराजुलीले गत वर्षको उपलब्धिका लागि सबैलाई धन्यवाद दिँदै चालु आर्थिक वर्ष २०८३र८४ को व्यावसायिक लक्ष्य हासिल गर्न थप सक्रियता र अनुशासनका साथ काम गर्न आह्वान गरे। उनले हासिल भएको सफलतालाई जोगाउँदै थप नयाँ उचाइतर्फ अघि बढ्न रणनीति तथा योजनाहरू प्रस्तुत गरेका थिए । सम्मेलनमा कम्पनीका नायब प्रमुख कार्यकारी अधिकृत, सीएफओ, नेशनल सेल्स हेड तथा आईटी, डिजिटल ट्रान्सफर्मेसन, मानव संसाधन लगायत विभिन्न विभागका प्रमुखहरूले आ(आफ्नो कार्यसम्पादन, उपलब्धि र आगामी कार्ययोजनाबारे प्रस्तुतीकरण दिएका थिए ।