नेप्से ५ अंकले घट्यो, ३ अर्ब ४० करोडको कारोबार

काठमाडौँ । साताको अन्तिम कारोबार दिन बिहीबार सेयर बजार परिसूचक नेप्से ५.०६ अंकले घटेर २७००.४७ विन्दुमा झरेको छ । नेपाल स्टक एक्सचेन्जका अनुसार आज ३ अर्ब ४० करोड रुपैयाँ बराबरको कारोबार भएको छ । कारोबारमा ७८ कम्पनीको सेयर मूल्य बढ्दा १८० कम्पनीको घटेको छ भने १४ कम्पनीको मूल्य स्थिर रहेको छ ।

आज एपोलो हाइड्रोपावरको सेयरमा सकारात्मक सर्किट लाग्दै १५ प्रतिशतले मूल्य बढेको छ । यस्तै, सोपान फर्मास्युटिकल्स र आत्मनिर्भर लघुवित्त को सेयर क्रमशः १४.९९ र १२.५३ प्रतिशतले उकालो लागेको छ । कारोबार रकमका आधारमा आँखुखोला जलविद्युत् कम्पनी अग्रस्थानमा रह्यो, जसको ३१ करोड रुपैयाँभन्दा बढीको कारोबार भयो ।

उपसमूहतर्फ विकास बैंक, होटल तथा पर्यटन, जलविद्युत्, लगानी, जीवन बीमा, उत्पादन, निर्जीवन बीमा र अन्य समूह घटेका छन् भने वाणिज्य बैंक, फाइनान्स, लघुवित्त, सामूहिक लगानी कोष तथा व्यापार समूहमा हरियाली देखिएको छ ।

एक्सप्रेस

सम्बन्धित खबर

हिजो विरोध गर्नेहरूले आज किन ऋण लिएको ?

काठमाडौँ । नेकपा एमालेका महासचिव शंकर पोखरेलले विदेशी ऋणको विषयमा वर्तमान सरकारले दोहोरो चरित्र देखाएको भन्दै प्रश्न उठाएका छन् । अघिल्लो समयमा विदेशी ऋणको आलोचना गर्नेहरू नै अहिले सत्तामा पुगेपछि ठूलो मात्रामा ऋण लिइरहेको उनको भनाइ छ ।

<...

अमेरिकी डलरको मूल्य हालसम्मकै उच्च बिन्दुमा

काठमाडौँ । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलरको मूल्य थप बढेर हालसम्मकै उच्च बिन्दुमा पुगेको छ । बुधबारका लागि निर्धारित विनिमयदर अनुसार अमे...