नेप्से ९.९३ अंकले उकालो, साढे ७ अर्बको सेयर कारोबार

काठमाडौँ । साताको तेस्रो कारोबार दिन नेप्से परिसूचक ९.९३ अंकले बढेर २६४९.३० विन्दुमा पुगेको छ । आज ३३४ कम्पनीको १ करोड ४८ लाख कित्ता सेयर किनबेच हुँदा ७ अर्ब १२ करोड रुपैयाँभन्दा बढीको कारोबार भएको छ । कारोबारमा सहभागी कम्पनीमध्ये १४८ को सेयर मूल्य बढ्दा १०३ कम्पनीको घटेको छ भने ८ कम्पनी स्थिर रहे । कारोबार रकमका आधारमा एसवाई प्यानल, बुटवल पावर कम्पनी र शिवम् सिमेन्ट अग्रस्थानमा रहे ।

यसदिन जीवन विकास लघुवित्तका लगानीकर्ताले करिब १० प्रतिशत नाफा कमाएका छन् भने रु रु जलविद्युतका लगानीकर्ताले सबैभन्दा बढी घाटा बेहोरेका छन् ।