काठमाडौँ । फिफा विश्वकप २०२६ को राउन्ड अफ १६ अन्तिम १६को खेलमा नर्वेसँग २,१ गोल अन्तरले पराजित भएसँगै ब्राजिल प्रतियोगिताबाट बाहिरिएको छ। यस स्तब्धपूर्ण हारलगत्तै ब्राजिलका स्टार फरवार्ड नेयमारले भावुक बन्दै अन्तर्राष्ट्रिय फुटबलबाट आफ्नो सन्यासको घोषणा गरेका छन् ।

अमेरिकाको न्यू जर्सीस्थित मेटलाइफ स्टेडियममा आइतबार राति भएको यो पराजयले ब्राजिलको विश्वकप यात्रालाई यसपटक निकै चाँडै पूर्णविराम लगाइदिएको हो। सन् १९९० पछि विश्वकपको यो चरणबाटै ब्राजिल बाहिरिएको यो पहिलो पटक हो। खेल सकिएको अन्तिम सिट्टी बज्नासाथ ३४ वर्षीय नेयमार मैदानमै भक्कानिँदै रोएका थिए, जहाँ उनलाई सहकर्मी खेलाडीहरूले सम्हालेका थिए ।

यो ऐतिहासिक खेललाई नर्वेको पक्षमा पार्न स्टार स्ट्राइकर एर्लिङ हालान्डले उत्कृष्ट प्रदर्शन गरे। उनले खेलको ७९औँ र ९०औँ मिनेटमा दुई गोल गर्दै आफ्नो टोलीलाई क्वाटरफाइनलको यात्रा गराए। खेलको इन्जुरी समयमा ब्राजिलका लागि नेयमारले पेनाल्टीमार्फत एक सान्त्वना गोल फर्काए पनि त्यो टोलीलाई जोगाउन पर्याप्त भएन।