‘पद होइन, जिम्मेवारी प्राथमिकता हो’ — कुलमान घिसिङको स्पष्टोक्ति

काठमाडौँ । उज्यालो नेपाल पार्टीका अध्यक्ष तथा पूर्वमन्त्री कुलमान घिसिङले सरकारमा सहभागी भएको विषयलाई लिएर उठेका प्रश्नप्रति सार्वजनिक रूपमा धारणा राखेका छन् । सरकारबाट बाहिरिएपछि विभिन्न टिप्पणी आउन थालेपछि उनले आफूले सुरुदेखि नै स्पष्ट अडान राखेर अघि बढेको दाबी गरेका छन् ।

सामाजिक सञ्जालमार्फत सार्वजनिक गरिएको धारणा अनुसार घिसिङले सरकारमा प्रवेश गर्नुअघि नै यो गैरदलीय सरकार भएकाले आफ्नो सहभागिता दीर्घकालीन नहुन सक्ने विषय प्रधानमन्त्रीसमक्ष स्पष्ट पारेका थिए। भविष्यमा सक्रिय राजनीतिमा जाने सोच खुला रूपमा राखेको उल्लेख गर्दै उनले तत्कालीन परिस्थितिका कारण मात्र जिम्मेवारी स्वीकार गरेको बताएका छन् ।

उनका अनुसार त्यतिबेला राज्य संरचना कमजोर अवस्थामा थियो र जेन–जी आन्दोलनका सहभागीहरूको दबाबसमेत रहेकाले प्रधानमन्त्रीको आग्रह अस्वीकार गर्न सम्भव भएन । आवश्यकता परेमा पदबाट राजीनामा दिएर राजनीतिमा जान सकिने सहमतिसहित आफू सरकारमा गएको घिसिङको भनाइ छ ।

मन्त्री पदबाट दिएको राजीनामा पनि जनभावनाअनुसार नै भएको भन्दै घिसिङले पदप्रतिको मोह नभएको स्पष्ट पारेका छन्। ‘राजनीतिक प्रश्न उठेपछि म आफैंले पद त्यागेको हुँ, म पदलोलुप होइन,’ उनको भनाइ छ । तीन मन्त्रालयको जिम्मेवारी सम्हाल्दै गरेको कार्यसम्पादनले नै आफ्नो नियत र प्रतिबद्धता पुष्टि हुने घिसिङले दाबी गरेका छन् । उनले राज्यले दिएको जिम्मेवारी पूरा गर्नु नै आफ्नो प्राथमिकता रहेको उल्लेख गर्दै आलोचनालाई काममार्फत जवाफ दिने संकेत दिएका छन् ।

एक्सप्रेस

सम्बन्धित खबर

सुकुम्बासी बस्ती अवलोकनमा हर्क साम्पाङ

काठमाडौँ । श्रम संस्कृति पार्टीका अध्यक्ष एवम सांसद हर्क साम्पाङ राई सुकुम्बासी बस्तीको अवस्थाबारे प्रत्यक्ष जानकारी लिन सोमबार काठमाडौंको थापाथलीस्थित खाली गरिएको बस्ती पुगेर अवलोकन गरेका छन् । उनले विस्थापित परिवारहरूको अवस्था र भोगिरहेका समस्या...

शान्तिपूर्ण निर्वाचनको वातावरण बनाउनु अहिलेको प्रमुख आवश्यकताः संयोजक दाहाल

काठमाडौँ । नेपाल कम्युनिष्ट पार्टी माओवादी केन्द्रका महाधिवेशन आयोजक समितिका संयोजक पुष्पकमल दाहाल ‘प्रचण्ड’ ले सुरक्षित र शान्तिपूर्ण रूपमा निर्वाचन सम्पन्न हुने वातावरण निर्माण गर्नु अहिलेको प्रमुख आवश्यकता रहेको बताएका छन् । शुभ दीपावली, नेपाल संव...