उपन्यासकार डा. धर्मराज सापकोटा ‘राजु’ को ‘बाहेक’ लोकार्पण

काठमाडौँ । उपन्यासकार डा. धर्मराज सापकोटा ‘राजु’ को ‘बाहेक’ उपन्यास लोकार्पण भएको छ । शिखा बुक्स बाघबजार काठमाडौंको आयोजना तथा श्यामलको प्रमुख आतिथ्यमा कार्यक्रम भएको हो । प्रमुख अतिथि श्यामल, समालोचक राजकुमार बानियाँ, सुमन वर्षा, शिखा बुक्सका पुष्पराज पौडेलले पुस्तकको लोकार्पण गरेका हुन् ।

परिचर्चाकार सुमन वर्षाले उपन्यासकार राजुले पुरानै घटना भए पनि प्रभावकारी प्रस्तुतिले उपन्यास ओजिलो बनेको बताइन् । उनले पैसा र पहुँच नहुँदा कसरी जीवन कठोर हुन्छ भन्ने यथार्थता युवाको मनस्थिति मार्फत प्रस्तुत गरिएको बताइन् । समालोचक राजकुमार बानियाले विषयवस्तु, प्रस्तुति र सन्देशको सुन्दर संयोजनले उपन्यास पठनीय बनेको बताए । श्यामलले उपन्यासकारलाई शुभकामना दिएका थिए। साहित्यप्रेमी, पाठकवर्ग, लेखक र पत्रकारहरूको उपस्थिति रहेको थियो ।

एक्सप्रेस

सम्बन्धित खबर

पोखरामा 'दर्शन,साहित्य र भाषा' विषयक अन्तरक्रिया सम्पन्न !

मिडियाबाजी डटकम,पोखरा ।

• नेपाल प्रज्ञा-प्रतिष्ठान र गण्डकी साहित्य सङ्गम,पोखराको सहकार्यमा 'वर्तमान सन्दर्भमा मार्क्सवादी दर्शन','नेपाली प्रगतिशील साहित्य लेखन'का प्रवृत्ति र 'गण्डकी प्रदेशको भाषिक अवस्था' विषयक अन्तरक्रिया भएको थियो...