जेनजीबिना सम्भव थिएन जनयुद्ध : प्रचण्ड

काठमाडौँ । नेपाली कम्युनिस्ट पार्टीका संयोजक पुष्पकमल दाहाल प्रचण्डले जेनजी आन्दोलनको उद्देश्य सही रहेको बताएका छन् । जेनजीसँग पार्टीको अन्तरक्रिया कार्यक्रममा बोल्दै उनले आजमात्रै एक हजारभन्दा धेरै जेनजी युवालाई पार्टीमा भित्र्याएको दाबी गरे । विगत सम्झिँदै उनले भने, ‘म १६ वर्षमा पार्टीमा जोडिए, ३५ वर्षमा पार्टी नेतृत्वमा पुगेँ । २७ वर्षको उमेरमा युवक सङ्घको अध्यक्ष भए । युवाहरूलाई नै लिएर जनयुद्धको तयारी गरेको थिए।’

उनले आफूहरू सरकार र सडक दुवै ठाउँमा हुँदा पनि भ्रष्टाचारविरुद्ध उभिएको जिकिर गरे। जेनजी र आफूहरूले उठाएका एजेन्डा एउटै भएको उल्लेख गर्दै प्रचण्डले नेपालीहरूले अन्ततः जित्ने विश्वास व्यक्त गरे ।