काठमाडौँ  । नेपाली कांग्रेसको १५औँ महाधिवेशन नजिकिँदै गर्दा नेतृ प्रतिमा गौतमले सहमहामन्त्री पदमा उम्मेदवारी घोषणा गरेकी छन् । विद्यार्थी राजनीतिबाट आफ्नो राजनीतिक यात्रा सुरु गरेकी गौतम लामो समयको संगठनात्मक अनुभव, पार्टीको केन्द्रीय जिम्मेवारी र संसदीय भूमिकासहित सहमहामन्त्रीको दौडमा उत्रिएकी हुन् ।

२०४६ सालको जनआन्दोलनदेखि नै राजनीतिमा सक्रिय गौतमको राजनीतिक यात्रा विद्यार्थी आन्दोलनबाट अघि बढेको हो । नेपाली कांग्रेसनिकट विद्यार्थी संगठन नेपाल विद्यार्थी संघ नेविसंघबाट राजनीतिमा सक्रिय हुँदै उनले विद्यार्थी नेतृत्वमा विभिन्न महत्त्वपूर्ण जिम्मेवारी सम्हालिन् ।