कतारद्वारा स्विट्जरल्याण्डलाई रोक्दै विश्वकपमा ऐतिहासिक पहिलो अंक हासिल

काठमाण्डौँ । सान्ता क्लारा अमेरिका फिफा विश्वकप २०२६ अन्तर्गत समूह ‘बी’ को खेलमा कतारले अन्तिम क्षणमा गोल गर्दै स्विट्जरल्याण्डसँग १–१ को बराबरी खेलेको छ । योसँगै कतारले विश्वकपको इतिहासमा पहिलो पटक अंक हासिल गर्न सफल भएको छ । लेभीज स्टेडियममा सम्पन्न खेलमा स्विट्जरल्याण्डले १७औँ मिनेटमा अग्रता लिएको थियो । कतारी गोलरक्षक महमुद अबुनादाले रेमो फ्रेयुलरलाई फल गरेपछि प्राप्त पेनाल्टीलाई स्ट्राइकर ब्रिल एम्बोलोले सफलतापूर्वक गोलमा परिणत गर्दै टोलीलाई १–० को अग्रता दिलाए ।

पहिलो हाफभरि स्विट्जरल्याण्डले खेलमा दवाव कायम राख्यो । कतारले केही अवसर सिर्जना गरे पनि गोल गर्न सकेन । स्विस टोलीले दोस्रो गोलका लागि थुप्रै अवसर पाए पनि त्यसलाई सदुपयोग गर्न असफल रह्यो । खेलको अन्त्यतिर स्विट्जरल्याण्डले जीत निश्चित जस्तै बनाएको थियो । तर इन्जुरी समयमा कतारले नाटकीय पुनरागमन गर्यो । बायाँ विंगबाट आएको क्रसलाई कप्तान बुआलेम खोउखीले हेडमार्फत गोलमा परिणत गरे । पछि फिफाले उक्त गोललाई स्विस डिफेन्डर मिरो मुहेमको आत्मघाती गोल ९इधल न्यब०ि को रूपमा मान्यता दिएको थियो ।