काठमाडौँ । राष्ट्रिय प्रजातन्त्र पार्टी राप्रपाका पूर्व वरिष्ठ उपाध्यक्ष तथा राजनीतिक विश्लेषक रविन्द्र मिश्रले पूर्व नवयुवराज हृदयेन्द्र शाहलाई जन्मदिनको अवसरमा शुभकामना दिँदै भविष्यमा देशको गद्दी सम्हाल्नका लागि बौद्धिक, मानसिक र भावनात्मक रूपमा तयार रहन सार्वजनिक आह्वान गरेका छन् ।

पूर्व नवयुवराज शाहलाई ‘सरकार’ सम्बोधन गर्दै सामाजिक सञ्जालमार्फत पठाएको सन्देशमा मिश्रले नेपालजस्तो भूराजनीतिक रूपमा संवेदनशील मुलुकमा साझा अभिभावकका रूपमा राजसंस्था पुनर्स्थापित हुनु अनिवार्य भइसकेको दाबी गरेका छन् ।