संस्थापनको निर्णय अस्विकार गर्दै देउवा पक्ष आफ्नै ढंगले १५ औं महाधिवेशनमा जाने

काठमाडौँ । नेपाली कांग्रेसभित्रको आन्तरिक विवाद झनै चुलिँदै गएको छ । केन्द्रीय कार्यसम्पादन समितिले १४औँ महाधिवेशनबाट निर्वाचित सबै केन्द्रीय सदस्यहरूलाई वर्तमान केन्द्रीय समितिमा समावेश गरी १५औँ महाधिवेशनमा सहभागी गराउने निर्णय गरे पनि पूर्व सभापति शेरबहादुर देउवा पक्षले भने त्यसलाई अस्विकार गरेको छ ।

सोमबार बिहान पूर्व सभापति देउवाको बूढानीलकण्ठरचुनदेवीस्थित निवासमा बसेको इतर समूह ९देउवा पक्ष० को शीर्ष नेताहरूको बैठकले संस्थापन पक्षको प्रस्तावलाई अस्वीकार गर्दै महाधिवेशनको तालिका स्थगित नगरी गरिएको कुनै पनि निर्णयमा सहमत हुन नसकिने निष्कर्ष निकालेको छ।

देउवा पक्षका नेता एनपी साउदका अनुसार संस्थापन पक्षले तय गरेको महाधिवेशन प्रक्रियामा वर्तमान परिस्थिति अनुसार सहभागी हुन सकिने अवस्था छैन।