काठमाण्डौँ । राष्ट्रिय स्वतन्त्र पार्टी रास्वपाले अविरल वर्षाका कारण देशका विभिन्न स्थानमा आएको बाढी, पहिरो तथा डुबानबाट भएको जनधनको क्षतिप्रति दुःख व्यक्त गर्दै प्रभावित क्षेत्रमा उद्धार, राहत तथा पुनर्स्थापनाका कामलाई थप तीव्रता दिन सरकारसँग आग्रह गरेको छ ।

रास्वपाका सभापति रवि लामिछानेले आइतबार जारी गरेको विज्ञप्तिमार्फत विपद्मा परी ज्यान गुमाउनेहरूप्रति श्रद्धाञ्जली तथा शोकसन्तप्त परिवारजनमा समवेदना व्यक्त गरेका छन् । साथै, घाइतेहरूको शीघ्र स्वास्थ्यलाभको कामना गरिएको छ ।

रास्वपाले विपद् जोखिम न्यूनीकरणका लागि सरकारले गरेको पूर्वतयारी तथा नेपाली सेना, नेपाल प्रहरी, सशस्त्र प्रहरी बललगायतका सुरक्षा तथा उद्धार निकायले गरिरहेको उद्धार कार्यप्रति आभार व्यक्त गरेको छ।