काठमाडौँ । राष्ट्रिय स्वतन्त्र पार्टी रास्वपाबाट राजीनामा दिएका नेता सन्तोष परियारले नयाँ राजनीतिक दल गठन गर्ने भएका छन् । उनले मानुषी यमी भट्टराई र सुदन किराँती लगायतका नेताहरूसँग मिलेर नयाँ पार्टी बनाउने तयारी थालेका हुन् । पार्टीको नाम प्रगतिशील लोकतान्त्रिक पार्टी, प्रगतिशील नागरिक पार्टीलगायत विकल्पमा छलफल भइरहेको उनले बताए ।

उनका अनुसार नयाँ दल दर्ताका लागि निर्वाचन आयोगमा समेत पत्र गइसकेको छ । परियारले शुक्रबार रास्वपाको सचिवालय सदस्य तथा साधारण सदस्यसमेत नरहने गरी राजीनामा दिएका थिए ।