सिंहदरबार सुरक्षा कडा, गणमा एसपी थपिने

काठमाडौँ । सिंहदरबारमा आगलागीपछि त्यहाँको सुरक्षामा सरकार गम्भीर बनेको छ । गृहमन्त्रालयले सिंहदरबार गणलाई लक्षित गर्दै प्रहरी संगठनमा एसएसपी, एसपी र डिएसपीका ३–३ दरबन्दी थप गरेको छ। सिंहदरबार गणमा हाल डिएसपी इन्चार्ज रहेकामा अब एसपी राख्ने तयारी गरिएको छ ।

मन्त्रिपरिषद्ले प्रहरीको संगठन तथा व्यवस्थापन सर्वेक्षण स्वीकृत गरेसँगै प्रहरी महानिरीक्षकको सचिवालय, सिआइबी, कानून महाशाखा र प्रहरी अस्पतालमा समेत दरबन्दी थप गरिएको हो। यससँगै एसएसपीको बढुवा प्रक्रिया पनि खुल्ने भएको छ। अहिले १० एसएसपी पदका लागि १७ एसपी प्रतिस्पर्धामा छन्।