चितवन । राष्ट्रिय स्वतन्त्र पार्टी रास्वपाको प्रथम महाधिवेशन अन्तर्गत आज हुने पदाधिकारी निर्वाचनमा महिला उपसभापति पदका लागि सोविता गौतम र तोसिमा कार्कीबीच भिडन्त हुने भएको छ । निर्वाचन आयोगले सार्वजनिक गरेको उम्मेदवारहरूको अन्तिम नामावलीमा महिला उपसभापति पदका लागि गौतम र कार्कीको मात्र उम्मेदवारी कायम भएपछि यी दुई स्थापित नेतृहरूबीच सोझो प्रतिस्पर्धा हुने निश्चित भएको हो ।

यसअघि पार्टीको उपसभापति पदका लागि दाबी गरेकी अर्की नेतृ समीक्षा बास्कोटाले भने अन्तिम समयमा आफ्नो उम्मेदवारी फिर्ता लिएकी छिन्। बास्कोटाले उम्मेदवारी फिर्ता लिएसँगै सोविता र तोसिमाबीचको चुनावी प्रतिस्पर्धा आमनेसामने हुने भएको छ ।