राज्यका गतिविधिले ‘सत्ता कब्जा’ को सङ्केत देखियो : रवीन्द्र मिश्र

काठमाडौँ । राप्रपाका पूर्वउपाध्यक्ष रवीन्द्र मिश्रले हालै देशमा घटेका विभिन्न घटनाक्रमप्रति गम्भीर असन्तुष्टि व्यक्त गर्दै राज्यका गतिविधिले ‘सत्ता कब्जा’ को सङ्केत देखाएको बताएका छन्। शुक्रबार केही पत्रकार पक्राउ परेर रिहा भए लगत्तै सामाजिक सञ्जाल फेसबुकमा स्ट्याटस लेख्दै उनले सो कुरा बताएका हुन् ।

पछिल्ला शृङ्खलाबद्ध घटनाले लोकतन्त्र, कानुनी शासन र नागरिक अधिकारमाथि गम्भीर प्रश्न उठाएको उनको निष्कर्ष छ । नेता मिश्रले कतिपय सत्ताधारी नेताहरूले सार्वजनिक रूपमा मिडियामा दिने गरेका अभिव्यक्तिहरूबाटै उनीहरूको वास्तविक मनसाय प्रस्ट भएको समेत बताएका छन् । उनले भनेका छन्– ‘पछिल्ला समयमा जे भइरहेका छन्, ती सत्ता कब्जाका सङ्केत हुन्। सत्ता कब्जा हुनु भनेको आज ताली पिट्नेहरू पनि रुने दिन आउनु हो।’