काठमाडौँ । नेपाल कम्युनिस्ट पार्टी एमालेका अध्यक्ष केपी शर्मा ओलीले पार्टीको ११औँ महाधिवेशनलाई एकता सुदृढ गर्ने अवसरका रूपमा उपयोग गर्न आग्रह गरेका छन् । बिहीबार च्यासलमा बसेको सचिवालय बैठकबारे उपमहासचिव प्रदीप ज्ञवालीले जानकारी दिएअनुसार, अध्यक्ष ओलीले दलभित्र र देशमै एकताको आवश्यकता रहेको भन्दै ‘एकताको महाधिवेशन’ गर्न प्रस्ताव गरेका हुन् ।

कसैले प्रतिस्पर्धा गर्नुहुन्छ भने पनि स्वस्थ्य प्रतिस्पर्धा गर्न सकिन्छ भन्ने कुरा बैठकमा छलफल भएको छ, उपमहासचिव प्रदीप ज्ञवालीले भने । उनका अनुसार, ओलीले प्रतिस्पर्धामा पराजित भएपछि पार्टी छाड्ने गरेको बताएका थिए । उनले आफू भने आठौँ महाधिवेशनमा पराजित भए पनि पार्टी एकताका लागि लागेको र माधव नेपाल, भीम रावलसहितका नेताले पार्टी छोडेको बताएका थिए । माधव नेपाल, भीम रावलजस्तो स्थिति नबनोस् । स्वस्थ प्रतिस्पर्धा गरौँ । त्यसले फरक पार्दैन । तर, आन्दोलनको आवश्यकता सहकार्यका साथ अघि बढ्ने हो भन्ने कुरा व्यक्त गर्नुभयो, ज्ञवालीले भने ।